|
Сизларни оғир азоблар билан қийнаган, ўғилларингизни сўйиб, хотинларингизни тирик қолдираётган Фирҳавн одамларидан қутқарганимизни эсланглар. Ана ўша ишларда Парвардигорингиз томонидан буюк синов бордир. 50. Денгизни ўртасидан бўлиб сизларни қутқариб, кўз ўнгингизда Фирҳавн одамларини ғарқ қилганимизни эсланглар. 51. Мусо билан қирқ кечага ваъдалашганимиз, у (бизнинг ҳузуримизга) кетганидан кейин сизлар ўзингизга зулм қилган ҳолингизда бузоққа ибодат қилганингизни эсланглар. 52. Сўнгра, ўша ишлардан кейин ҳам шукр қилишингиз учун сизларни афв этгандик. 53. Сизлар ҳақ йўлни топишингиз учун Мусога китоб ва Фурқонни (яъни Тавротни) берганимизни эсланглар“. [2:47-53]
Бу оятларда Аллоҳ Таоло Пайғамбар с.а.в.нинг замонидаги яҳудларга хитоб қиляпти. Яъни, Аллоҳ сизларнинг Мусо а.с.га имон келтирган ота-боболаринга мўл қилиб берган неъматларни эсланглар. Бу оятдан қуйидагилар англашилади:
1- Биринчи оят ўзидан олдинги оятни таъкидлаб келяпти.
اذْكُرُواْ نِعْمَتِيَ الَّتِي أَنْعَمْتُ عَلَيْكُمْ
(Сизларга инъом қилган неъматимни эсланглар!). Аллоҳ Таоло неъматларни такроран эслатяпти. Бу неъматларга нонкўрлик қилган пайтларида қандай азоб-уқубатларга йўлиққанлари билан боғлаш учун уларнинг турларини санаб ўтяпти. Аллоҳ уларга жуда қаттиқ жазо берганди. Уларга ўзларини ўзлари ўлдиришни фарз қилганди, айримларини маймун ва тўнғизларга айлантириб қўйганди. Бундан ташқари улар кофир ҳолларида ўладиган бўлсалар, дўзахда абадий қолишлари ҳам бор.
2- Бу ерда Аллоҳ зикр қилаётган неъматлар Мусо а.с.га асрдош бўлган мўминларга берилганди. Мазкур оятлардаги Фиръавн оиласи, денгизнинг ёрилиши, чўкиб кетишдан нажот топиш, бузоқни Худо қилиб олиш, Мусо а.с. билан ваъдалашиш каби воқеалар фикримизнинг тўғрилигини кўрсатувчи қариналардир.
3- Бу неъматларнинг энг бирламчиси шундан иборатки, Аллоҳ Таоло Мусо а.с.ни ва у киши билан бирга имон келтирганларни ўз замонасидаги бошқалардан афзал қилди. Яъни, уларга Тавротни билиш, унга амал қилиш ва уни одамларга етказишдек шарафли ишни топширди.
4- Аллоҳ Таоло Пайғамбар с.а.в.нинг замонидаги яҳудларга агар улар кофир ҳолларида тураверсалар, олдинги ота-боболарининг имонлари уларга фойда бермаслигини билдирди. Қиёмат кунидаги азобдан нажот топиш учун уларнинг ўзлари имон келтиришлари шартлигини уқтирди.
103-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204